ვიკა ივლევას ~ომის აპოთეოზი~ თბილისში 10 აგვისტოს დაიხურება.
ვიკა ივლევა _ მსოფლიოს მშვიდობის დესპანი. ის მხოლოდ იმისთვის დაიბადა, რომ მსოფლიოში ომი არ იყოს. ასე აფასებენ რუსი ფოტოხელოვანის შემოქმედებას კრიტიკოსები. ისიც, მას შემდეგ, რაც ფოტოხელოვნების ხიბლი იგრძნო, ყველაფერს აკეთებს, რომ ომის აგრესია, ომით გამოწვეული ტკივილები ასახოს და ადამიანებს მშვიდობისკენ მოუწოდოს. მას ამისთვის ყოველთვის სცალია. შვიდი თვის ფეხმძიმე ალბანეთში ჩავიდა და ომის წინა ხაზზე მეომარივით იბრძოდა, ფოტოაპარატით ცდილობდა სისხლისღვრის შეჩერებას. მას შემდგე მრავალი წელი გავიდა და მან მსოფლიოს ყველა კონფლიქტური ზონა მოიარა. ავღანეთი, უგანდა, ტაჯიკეთი.. ის იყო ერთადერთი ჟურნალისტი , ვინც ჩერნობილის ავარიის ადგილზე ჩავიდა და იქ არსებული მდგომარეობა ასახა. მისმა ფოტორეპორტაჟმა ტრაგედიის ადგილიდან მსოფლიო ფოტოჟურნალისტიკის სფეროში უმაღლესი ჯილდო _ ~ოქროს თვალი~ დაიმსახურა. დღეს ვიქტორია ივლევა თბილისშია. მან აქ, თავის საყვარელ ქალაქში გამოფენა სახელად _ ომის აპოთეოზი ჩამოიტანა. გამოფენას თბილისის ისტორიის მუზეუმი ქარვასლა მასპინძლობს. ეს ფოტოხელოვანის მეორე ვიზიტია ჩვენს დედაქალქში და მიუხედავად ამისა, მსოფლიომოვლილი მშვიდობის დესპანი ცრემლებს ვერ იკავებს _ ცრემლებს მ სიყვარულის გამო, რომელსაც ქართველი ხალხი მის მიმართ იჩენს. ცრემლებს ვერ ვიკავებ. მეკითხებიან ბედნიერი ხარ თუ არა თბილისში სტუმრობითო. მაგრამ მე ვპასუხობ _ ეს ბედნიერებაზე მეტია. თბილისში ხომ მუდამ ყველა უყვართ. მით უმეტეს ეს ემოცია ძალიან ძლიერია აგვისტოს ომის მერე და მწამს, რომ ამ სიყვარულს წინ ომიც ვერ აღუდგება. ვიკა ივლევას ~ომის აპოთეოზი~ თბილისში 10 აგვისტოს დაიხურება.